به گزارش «شیعه نیوز»، مقامات افغانستان اعلام کردند شش جنگجوی طالبان در حمله هوایی یک جنگنده تاجیکستان به ولسوالی «درقد» در ولایت تخار کشته شده‌اند.
بنا به اعلام مقامات افغان این حمله هوایی پس از کشته شدن دو مرزبان تاجیک در درگیری با شبه نظامیان طالبان صورت گرفت.
پیش از این خلیل اسیر، سخنگوی والی تخار اعلام کرده بود یک هواپیمای «تاجیکستان یا روسیه» روز دوشنبه طی عملیاتی مواضع طالبان را در نواحی مرزی ولایت تخار واقع در شمال شرقی افغانستان بمباران کرده است.
وزارت دفاع روسیه اعلام کرده است که جنگنده های این کشور دخالتی در حمله هوایی در افغانستان نداشته اند.
در مقابل گروه طالبان خبر درگیری با مرزبانان تاجیک و نیز بمباران روز دوشنبه را تأیید کرده است. بنا به گزارشها درگیری بین نیروهای تاجیکستان و شبه نظامیان طالبان به دلیل قاچاق مواد مخدر روی داده است.
در درگیری بین دو طرف ۹ نفر از شبه نظامیان طالبان مجروح شدند.
درگیری در مرز افغانستان و تاجیکستان برخلاف مرز پاکستان و افغانستان امر رایجی نیست.
منبع: یورونیوز
