SHIA-NEWS.COM شیعة نیوز:
توجهت إلى تلك الجهة يوم الثلاثاء 2 يوليو الحالي، وكانت جميع المكاتب تعمل كخلية نحل لا يتوقف نشاطها لحظة، حاولت التواصل مع عدد من المسؤولين، للتعرف على ما سيحدث خلال الساعات القادمة، لكن أحداً منهم لم يكن بوسعه التصريح بأي معلومات، ومع إصراري على الحصول على ما يدور داخل الغرف المغلقة، رد عليّ أحد الضباط الموجودين بالمكتب الذي أجلس فيه قائلاً: "متقلقش.. مصر كلها هتفرح بكرة، ولو عاوز تضمن تعالى هسمّعك حاجة، لكن أرجو عدم الإفصاح عنها لخطورة الأمر في هذا التوقيت".
اصطحبنى الضابط لغرفة مجاورة، بها العديد من أجهزة الصوت وشاشات العرض، وفوجئت أنه يعرض على إحدى الشاشات لقاء بين السيسى ومرسي، وهو لقاء جرى بينهما قبل أن يلقي مرسي خطابه الأخير بساعات قليلة.
وبعد صدور بيان الجيش الذي ألقاه السيسى الأربعاء الماضي، استأذنت في نشر أهم ما جاء بحوار السيسي ومرسي، وبصعوبة بالغة حصلت "الوطن" على الموافقة، وكان كالتالي:
مرسي: الجيش موقفه إيه من اللي بيحصل، هيفضل كدا يتفرج، مش المفروض يحمي الشرعية؟
السيسي: شرعية إيه؟ الجيش كله مع إرادة الشعب، وأغلبية الشعب حسب تقارير موثقة مش عايزينك.
مرسي: أنا أنصاري كتير ومش هيسكتوا.
السيسى: الجيش مش هيسمح لأي حد يخرّب البلد مهما حدث.
مرسي: طيب لو أنا مش عايز أمشي.
مرسي: بس كدا يبقى انقلاب عسكري وأمريكا مش هتسيبكم.
السيسي: الموضوع منتهي ومعدش بمزاجك، وبعدين حاول تمشى بكرامتك، وتطالب من تقول إنهم أنصارك بالرجوع لمنازلهم، حقناً للدماء بدلاً من أن تهدد الشعب بهم.
السيسي: إحنا يهمنا الشعب مش أمريكا، وطالما أنت بتتكلم كدا أنا هكلمك على المكشوف.. إحنا معانا أدلة تدينك وتدين العديد من قيادات الحكومة بالعمل على الإضرار بالأمن القومي المصري والقضاء هيقول كلمته فيها، وهتتحاكموا قدام الشعب كله.
مرسي: طيب ممكن تسمحولي أعمل شوية اتصالات وبعد كدا أقرر هعمل إيه.
السيسي: مش مسموح لك، بس ممكن نخليك تطمئن على أهلك فقط.
مرسي: هو أنا محبوس ولا إيه؟
السيسي: أنت تحت الإقامة الجبرية من دلوقتي.
مرسي: متفتكرش إن الإخوان هيسكتوا لو أنا سِبت الحكم.. هيولّعوا الدنيا.
السيسى: خليهم بس يعملوا حاجة وهتشوف رد فعل الجيش.. اللي عايز يعيش فيهم باحترام أهلاً وسهلاً.. غير كدا مش هنسيبهم.. وإحنا مش هنُقصى حد، والإخوان من الشعب المصري ومتحاولش تخليهم وقود في حربكم القذرة.. لو بتحبهم بجد تنحى عن الحكم وخليهم يروّحوا بيوتهم.
مرسي: عموما أنا مش همشي والناس برة مصر كلها معايا وأنصاري مش هيمشوا.
السيسى: عموماً أنا نصحتك.
مرسي: طيب خد بالك أنا اللي عينتك وزير وممكن أشيلك.
السيسى: أنا مسكت وزير دفاع برغبة الجيش كله ومش بمزاجك وأنت عارف كدا كويس.. وبعدين أنت متقدرش تشيلنى أنت خلاص لم يعد لك أي شرعية.
مرسي: طيب لو وافقت أن أتنحى.. ممكن تسيبوني أسافر برة وتوعدني أنكم مش هتسجوننى.
السيسي: مقدرش أوعدك بأي حاجة، العدالة هي اللى هتقول كلمتها.
مرسي: طيب طالما كدا بقى أنا هعملها حرب ونشوف مين اللي هينتصر في الآخر.
السيسي: الشعب طبعاً اللي هينتصر.
وانتهى الحوار عند هذه الجملة بقول السيسى: "أنت من دلوقتى محبوس".
وبعد هذا الحوار بساعات قليلة طلب السيسي من قوات الجيش والحرس الجمهوري أن يجري نقل مرسي من دار الحرس الجمهوري إلى إحدى إدارات الجيش شديدة التأمين، وطلب عدم التعرض له بأي أذى، لحين تقديمه لمحاكمة عادلة لاتهامه بارتكاب عدد من الجرائم.
النهاية
النخیل
